tag:blogger.com,1999:blog-542518648627849085.post426885122633535090..comments2024-02-11T06:00:30.938-07:00Comments on Skeptical Eye: ToothacheNickhttp://www.blogger.com/profile/09991410496107221875noreply@blogger.comBlogger1125tag:blogger.com,1999:blog-542518648627849085.post-21897671957397854182010-04-22T23:25:51.273-07:002010-04-22T23:25:51.273-07:00Address to the Toothache
by Robert Burns
(1759-17...Address to the Toothache<br /><br />by Robert Burns<br />(1759-1796)<br /><br />My curse upon your venom'd stang,<br />That shoots my tortur'd gums alang,<br />An' thro' my lug gies mony a twang,<br />Wi' gnawing vengeance,<br />Tearing my nerves wi' bitter pang,<br />Like racking engines!<br /><br />When fevers burn, or argues freezes,<br />Rheumatics gnaw, or colics squeezes,<br />Our neibor's sympathy can ease us,<br />Wi' pitying moan;<br />But thee-thou hell o' a' diseases-<br />Aye mocks our groan.<br /><br />Adown my beard the slavers trickle<br />I throw the wee stools o'er the mickle,<br />While round the fire the giglets keckle,<br />To see me loup,<br />While, raving mad, I wish a heckle<br />Were in their doup!<br /><br />In a' the numerous human dools,<br />Ill hairsts, daft bargains, cutty stools,<br />Or worthy frien's rak'd i' the mools, -<br />Sad sight to see!<br />The tricks o' knaves, or fash o'fools,<br />Thou bear'st the gree!<br /><br />Where'er that place be priests ca' hell,<br />Where a' the tones o' misery yell,<br />An' ranked plagues their numbers tell,<br />In dreadfu' raw,<br />Thou, Toothache, surely bear'st the bell,<br />Amang them a'!<br /><br />O thou grim, mischief-making chiel,<br />That gars the notes o' discord squeel,<br />Till daft mankind aft dance a reel<br />In gore, a shoe-thick,<br />Gie a' the faes o' Scotland's weal<br />A townmond's toothache!McGonagallhttps://www.blogger.com/profile/14887321534801112949noreply@blogger.com